Drok, drok, drok
Drok-drok-drok… (een Rap!)
Voetbal, peerdrie:n, gimmestiek,
judo, zwemles en meziek.
Pappa hölt 't peerd van stal,
mamma haalt en breg ons wal.
't Is kermis of 't is carnaval,
Zwarte Cross of festival.
Pyjamafeestjen? Ok gin straf
een slappe lach is super-maf!
Refrein: En dan mo'w straks tegelieke
of argens in dee tussentied
ok nog leren 'Brommers Kieken':
O, was 't maor alvast zo wiet!
't Olde 'Blauw-geruite-kieltjen'
draejt niet meer an't grote wieltjen
Wi-j smiet now ons hart en zieltjen
op de I-pod en 't mobieltjen.
Chillen, gamen en Wats App,
samen oef'nen op een rap.
Facebook, Twitter en You Tube,
Naor 'De Keet' heer met de groep!
Refrein: En dan mo'w straks tegelieke…. enz.
't Is állemaol áeven vet en cool,
maor bu'w dan van de heleboel
gewoon een kere 'kats' bekaf,
vraogt ze ons: “he'j 't huuswark af??”
Refrein: En dan mo'w straks tegelieke… enz.
ankh. 2016